„Претседателот на НДП Весел Мемеди, во придружба на Генералниот Секретар г.Сухејл Фазлиу, и Портпаролот на партијата Шпат Исеини го дочекаа амбасадорот- неговата екселенција Кристијан Тимоние, дојден на посета во седиштето на НДП, за да продискутира околу политичката актуелност во земјава и регионот.
Првично, претседателот Мемеди му се заблагодари на Тимоние за посетата и искажаната почит кон НДП, не само при оваа посета во нашето седиште, туку и заради почитта што оваа амбасада ја имала кон нашиот субјект на политичкото дејствувње. Претседателот Мемеди го информираше амбасадорот Тимоние за причините за неучество во изборите од 12 април од страна на НДП, уште еднаш нагласувајќи го неуспехот на албанските политички партии за креирање односно создавање на една здрава албанска опозиција која би давала успешен придонес во демократското развивање на земјава. Мемеди исто така изрази негова загриженост за досегашниот неуспех на институциите на државата, за справување и борба против организираниот криминал, корупција, и преобразба на оваа општество во една правна држава. И покрај ова, Мемеди нагласи дека земјава заслужува отварање на преговорите со Европската Унија и истовремено изрази уверување дека Франција како созреана демократска земја ќе биде вистински поддржувач на патот кон оваа наша главна цел.
Амбасадорот Тимоние му се заблагодари на претседателот Мемеди за топлото гостопримство во седиштето на партијата и му честиташе за одиграната позитивна улога на НДП за времето додека беше дел на власт, кога се случија големите историски промени, какво што е зачленувањето на РСМ во НАТО, и дека Франција ќе продолжи да ја поддржи РСМ на патот кон ЕУ“, информираа од НДП.