Вчера е пријавено дека околу 16,30 часот на крстосница од улицата „Васил Ѓоргов“ и улицата „Народен Фронт“ во Скопје се случила сообраќајна несреќа во која со тешки телесни повреди се здобил пешакот Д.Ј., 36-годишник од Кавадарци, а според пријавеното, во него удриле патничко возило и мотоцикл „пиаџо“ со скопски регистарски ознаки, кои по незгодата го напуштиле лице местото, извести МВР.
– Д.Ј. бил пренесен во комплекс клиники „Мајка Тереза“ – Скопје каде му биле констатирани тешки телесни повреди, соопшти МВР.
Увид на местото на настанот извршила екипа од СВР Скопје, известен е јавен обвинител и се преземаат мерки за расчистување на случајот.