Полицијата денеска затвори нелегално отворена вежбалница во скопската населба Кисела Вода, откако во објектот биле затекнати сопственикот и уште две лица, кои се уапсени, соопшти МВР.
„Полициски службеници од СВР Скопје денеска (27.04.2021) ги лишија од слобода И.И., М.Н. и И.А.(сопственик) кои биле затекнати во теретана на ул. Емил Зола во Скопје и покрај забраната за работа на вакви објекти. Објектот е пломбиран од страна на инспектори од Државен пазарен инспекторат, а по насока на јавен обвинител лицата се приведени и протов нив ќе бидат поднесени соодветни кривични пријави по чл. 206 од КЗ на РСМ,“ се вели во полициското соопштение.