Сајтот „Кавадарци од друг агол“, ја потврди информацијата на А1, за голема тепачка помеѓу симпатизери и членови на ВМРО-ДПМНЕ во Кавадарци, која се случила во четвртокот.
А1 информацијата ја доби од граѓани, наши читатели.
Сајтот од неофицијални извори дознава дека во штабот на ОК ВМРО-ДПМНЕ Кавадарци се случил конфликт помеѓу повеќе високи раководни лица од општинскиот штаб, по што морала да интервенира и полицијата.
Конфликтот, велат извори на „Кавадарци од друг агол“, настанал во врска со изборот на кандидат за градоначалник на Општина Кавадарци од редовите на ВМРО- ДПМНЕ.
Неофицијални кандидати за трката за најпосакуваната фотелја во Кавадарци биле: претседателот на ОК Кавадарци- Горица Пеливанова Вилхелм, досегашниот татко на градот- Александар Панов, претседателот на Советот на општина Кавадарци- Илија Тренчев, директорот на Водостопанство Тиквеш Кавадарци- Зоран Шалев, сопственикот на Кожувчанка Митко Јанчев и актуелната пратеничка во Собранието на РМ од редовите на ВМРО ДПМНЕ- Весна Пемова.
„Конфликтите се водат помеѓу три завојувани внатрепартиски страни предводени од сопствените бизнис интереси, првата е предводена од моменталниот градоначалник, втората е предводена од поранешниот претседател на ОК и пратеник од Кавадарарци Јован Гинев, а третата од моменталната претседателка на ОК Кавадарци Горица Пеливанова Вилхелм“, пишува сајтот.