Тело на починат насилно и сосе кревет изнесено од струмичката болница

Од:

Роднини и пријатели на пациент кој починал во струмичката болница, насилно го земале телото сосе болничкиот кревет и преку оградата на болницата го ставиле во нивното возило и однеле дома. Ова се случило утринава, откако пациентот бил донесен на лекување со отежнато дишење, малаксаност и други коморбидитети. Случајот е пријавен во полиција.

„Околу 9 часот, донесен е пациент во Инфективна амбуланта поради отежнато дишење, покачен крвен притисок, малаксаност, слабост и неможност да се движи. Штом е донесен, веднаш е пристапено кон преглед, давање помош и терапија на пациентот. Тој имал повеќе коморбидитети. По давањето на терапијата, по 15 минути, пациентот е езгитиран (починат). Додека се давала терапијата, присутни биле неговите од фамилијата, жената и ќерката. Се било според протокол. За 20 минути, пациентот егзитира. Не се испочитуваа протоколите за земање на телото на починатиот. Во болницата дојдоа поголема група на нивни пријатели и роднини и насилно го земаа пациентот, односно починатиот од амбулантата. Го земале умрениот сосе кревет, преку ограда го донеле во дворот на болницата, каде ги чекало комби и починатиот го носат дома“, вели Наќе Гогов, директор на Општата болница во Струмица.

Бидејќи телото на починатиот било насилно изнесено од болницата, докторите не успеале да земат брис за испитување, за да се утврди дали бил заразен со коронавирус. Претходно, пациентот се лекувал кај матичниот лекар.

Би можело да ве интересира

Скопје утрово со умерено ниво на аерозагаденост, прекинат прагот на алармирање во Струмица

Прекинат прагот на алармирање за аерозагадувањето во Струмица

ВИДЕО: Изгоре автомобил на патот Струмица-Дабиле

Катерина Ѓуровски

Јован и Јане се првите бебиња во Струмица во оваа година

Загаден е воздухот во Струмица, власта предлага вонредни мерки

Горан Наумовски

Таравари: До крајот на годината решение ќе земат 1.100 вработени по договор на дело во здравството