Aдвокатот на ексминистерката за внатрешни работи, Гордан Јанкулоска, Боро Тасевски рече дека судењето за предметот „Тенк“, каде е обвинета неговата клиентка судот го води со незаконска динамика.
„Денеска и во следните денови и месеци, поради начинот и динамиката на кој се закажуваат судењата, ќе има преклопување на рочиштата“, рече Тасевски.
Според него, судот закажал 100-ина рочишта однапред за предметите на Специјалното јавно обвинителство.
„Нема зошто да се закажуваат судења од ден во ден“, рече Тасевски.
Адвокатот смета дека не станува збор за притворски предмет кој има приоритет при судењето и потенцира дека утре се закажани две рочишта за предметите „Насилство во Општина Центар“ и издвоената постапка за предметот „Тенк“, а има ролиште во Апелациониот суд за жалбата на Никола Груевски и Ѓоко Поповски за пресудата на кривичниот суд.
Васко Маглешов