Лидерот на Алијанса на Албанците и довчерашен министер за здравство Арбен Таравари, престојува во Тирана, каде оствари средба со албанскиот премиер Еди Рама.
– Со најевропскиот премиер во моментов или како што велат насекаде во последно време: со Еди, напиша Таравари на Фејсбук.
– За време на разговорот беа дискутирани и прашања од значење за Албанците во регионот, како и потребата за зајакнување на меѓуалбанската соработка на сите нивоа – политичко, институционално и општествено. Алијансата за Албанците високо ја цени улогата на Албанија како клучен фактор во поддршката на демократскиот развој и правата на Албанците во регионот и изразува подготвеност за понатамошно продлабочување на таа соработка, се вели во соопштението од Алијанса за Албанците.
