Мендух Тачи, лидер на ДПА, пред лидерската средба во Собранието посочи дека како партија нема да блокираат уставни измени, ако не се промени делот од Уставот каде бараат да биде избришана и формулацијата „20 проценти“ за да биде заменета со албански народ, албански јазик.
„Многу е лошо кога книгата која вие ја пишувате, ќе ја предава друг универзитет. Тоа е крадење на платформа. Време е да се разговара јавно за идентитетот на Албанците да станат дел од правните норми на нашата држава. Не е моментот за уцени и давање на оружје во рака на интеграцискиот процес. Јас разговарав со Ахмети за оваа тема и ќе продолжиме да разговараме. Ние немаме никаков услов“, кажа Тачи.
Тој додаде: „Мислам дека се работи за Уставни промени, за деблокирање на процесот на интеграција на Македонија. Ова е важна тема. Добра иницијатива и конструктивна. Се надевам со дијалог ќе постигнеме договор. Немаме друг начин за да го деблокираме интеграцискиот процес“.