Лидерот на ДПА, Мендух Тачи за денешното издание на весникот „Фокус“, им порачува на СДСМ и ВМРО-ДПМНЕ дека тој ќе одлучи кога ќе има избори.
Тачи тврди дека не е во договор со никого, но клучот дали ќе има предвремени избори не е во ниту во ВМРО-ДПМНЕ, ниту кај ДУИ, туку кај него, пишува дневниот „Фокус“.
ДПА веќе побара итна собраниска седница за распуштање на Парламентот и одржување на предвремени парламентарни избори.
За да се излезе од ќорсокакот во кој се најде Македонија по НАТО самитот, и доколку не се најде компромис меѓу власта и опозицијата, вонредни избори бараат и партијата на Руфи Османи и Коалицијата Достоинство-Обединети за Македонија.
