СВР Тетово: Покани за разговор во полиција единствено по писмен пат, не наседнувајте на пораки на е-пошта

Од:

СВР Тетово испрати апел до граѓаните да ги пријавуваат во полицијата несоодветните покани за разговор во полициска станица кои им стигаат по електронски пат и е-адреси, по неколкуте евидентирани случаи деновиве. Од таму потенцираат дека полицијата ги повикува граѓаните единствено по писмен пат со хартиена покана.

-Секторот за внатрешни работи Тетово им соопштува на сите граѓани, физички или правни лица, дека покани за разговор, односно за спроведување истраги им испраќа во писмена (хартиена) форма со соодветна содржина, а во кои се наведува времето, местото и основата за повикување, но не и по електронски пат на нивни приватни или службени е-адреси. СВР Тетово апелира до граѓаните доколку со електронски пораки се повикуваат на разговор, да не ги отвораат прикачените документи во прилог на пораките, особено ако им се испратени од за нив познати испраќачи и веднаш да го пријават случајот на телефонскиот број 192, за да се избегнат недоразбирања и нејаснотии и истите да не се изложуваат на непотребни трошоци и губење време, се вели во апелот на тетовската полиција.

Од таму со потсетување до оние кои се обидуваат да прават ваква измама дека се соочуваат со кривично дело лажно претставување (член 391 од Кривичниот законик), за кое е предвидена парична или затворска казна до една година.

Би можело да ве интересира

Тетовец со 2,63 промили алкохол во крвта возел автомобил

Невремето откорна тенда од ресторан во Тетово, тешко повредена е 29-годишна жена

Горан Наумовски

Пожар во касарната во Тетово, повредени се двајца војници

Горан Наумовски

Започнува Меѓународниот филмски фестивал ВачАут (WatchОut) во Тетово

Министерството за финасии дало дозвола за вработувања во тетовската болница

Наставничка на час истепа ученик во Тетово