СВР Тетово апелира да не се пишуваат графити на јавни објекти

Од:

Секторот за внатрешни работи Тетово упати апел до граѓаните да се воздржат од  пишување графити и оштетување на јавните објекти, како и на културните и историските споменици, зашто на тој начин не само што причинуваат одредена материјална штета, туку можат да предизвикаат и други несакани појави. Од таму утврдиле дека деновиве во тетовското подрачје се пријавуваат испишани графити на различни објекти, најчесто со политички, меѓуетнички и други пораки, односно содржина.

-Секторот за внатрешни работи Тетово  уште еднаш потсетува, односно укажува дека  пишувањето графити и особено графити со вулгарна и навредлива содржина на јавни места и објекти е спротивно и на Законот за јавна чистота, како и самоволното лепење или кинење на плакати, појави кои, повеќе или помалку, и натаму се присутни на ова подрачје. Покрај тоа, зависно од видот и обемот на оштетување или споменичното скрнавење, тоа претставува и прекршок против јавниот ред и мир, за кој е предвидена глоба од 1500 до 2000 евра во денарска противвредност, потенцираат од СВР Тетово.

Доколку графитите, односно пораките предизвикуваат национална, расна или верска омраза и поттикнуваат раздор и нетрпеливост, нивните пишувачи ќе се соочат и со кривична одговорност (член 319 од Кривичниот законик).

Би можело да ве интересира

Според тетовската полиција, кучето кое со страотни крици падна од зграда,никој не го турнал

Катерина Ѓуровски

Анима Мунди: Инвеститорот и пожарникари го натерале кучето во Тетово да скокне

А1он

Експресно оттуѓен имотот на делницата Тетово-Гостивар, заглави експропријацијата кон Букојчани

Орце Костов

Фирмата на семејството Дестани која требаше да ја гради фабриката за автомобили во Тетово оди во стечај

Орце Костов

Кривична за екс директор на ПИОМ Тетово – вработувал и давал плата на лица кои не ни доаѓале на работа

Тетовка излажала познаник дека ќе се венчаат, па го ограбила

Горан Наумовски