СВР-Битола во периодот од 23 до 29-ти март изврши сообраќајни контроли на вкупно 1.974 возила и притоа констатирани се 463 сообраќајни прекршоци.
– Во најголем дел односно во 68 случаи констатирано е пречекорување на дозволената брзина, во 58 некористење сигурносен појас, 53 случаи на погрешно паркирање и 52 нерегистрирани возила или со измината важност на сообраќајната дозвола, информираше Магдалена Димитровска, советник за односи со јавност во СВР-Битола.
Во текот на седмицата на територијата на СВР-Битола се случиле 14 сообраќајни незгоди, во една сообраќајна незгода едно лице го загубило животот, во една незгода едно лице се здобило со тешки телесни повреди, во една незгода лице се здобило со телесни повреди, а во 11 сообраќајни незгоди предизвикана е материјална штета,
Од СВР-Битола потврдуваат дека во однос на претходната седмица, зголемен е бројот на контролирани возила, како и на констатираните прекршоци.