Градоначалникот на општина Центар, Андреј Жерновски, денеска во својот кабинет, ги прими светскиот шампион во традиционално карате, Дејан Недев и претседателот на карате клубот “Работнички“ и тренер на шампионот, Венцислав Недев.
Тие го информираа Жерновски за големиот успех кој што Дејан Недев го постигна на светскиот шампионат, кој се одржа во градот Копер, Р. Словенија.
Ова, посочи Жерновски, е голем успех за Вас, но и за општина Центар, на чија територија работи клубот.
„Воспоставената соработка помеѓу општината и карате клубот ‘Работнички’, кој е прв и најстар карате клуб во Македонија, продолжува и наредната година. Општина Центар ќе ја зголеми поддршката на клубот, кој минатата година славеше 45 години од постоењето“, рече Жерновски.
Клубот догодина ќе биде технички организатор на Европското првенство во традиционално карате, кое ќе се одржи во Скопје, а општина Центар ќе направи се’ за настанот да помине во најдобар ред. На првенството ќе учествуваат 1300 натпреварувачи, од 40 земји.
Карате клубот „Работнички“ на Европскиот куп во Мариз, Франција, се закити со 10 медали – 4 златни, 4 сребрени и 2 бронзени.
