Сведок С1: Ченто ми кажа дека зад пучот во Собранието стои Никола Груевски

Од:

Обвинителката Вилма Рускоска при изрекувањето на завршните зборови за судењето на 27 април парафразира дел од сведочењето на загрозениот сведок С1 на кое јавноста беше исклучена.

Сведокот С1 на главната расправа навел дека Јане Ченто, меѓу другото, бил постојано во комуникација со ексдиректорот на Бирото за јавна безбедност, Митко Чавков од кого добивал наоски во случај на влез во Собранието да се онеспособат камерите и насоки каде може да се наоѓаат пратениците кои се цел на нападот.

„На 27 април 2017 година Јане Ченто со Нинџа имале состанок и постојани комуникации со обвинетиот Митко Чавков на кого му биле лути бидјеќи тој директно ги организирал за нападите во Собранието а под директива на Никола Груевски, а сега ги оставиле на цедило за на крајот да изјави дека Јане Ченто му кажал дека во позадината во организацијата на пучот стои Никола Груевски“, рече Рускоска.

Обвинителката кажа дека Ченто и Чавков комуницирале на „Вибер“. Ова е првпат на директен начин сведок да спомене дека експремиерот и бегалец Никола Груевски стои во позадината на крвавиот четврток.

Обвинителството побара да бидат осудени сите 17 обвинети за терористичко загрозување на уставниот поредок и безбедноста, а еден за помагање. На 4 февруари ќе започне изрекувањето на завршните зборови на одбраната.

Васко Маглешов

Би можело да ве интересира

Продолжува судењето за „Титаник“

Татјана Ташкова

Со сослушување сведоци на одбраната продолжи судењето за „ТНТ“

Продолжува судењето за „Титаник“

Татјана Ташкова

Продолжува судењето за „Титаник“

Татјана Ташкова

Заев: Груевски најмногу би помогнал ако се врати да си ја отслужи казната

Ана Ололовска

Седници на Буџетскиот совет и собраниската Комисија за здравство

Ана Ололовска