Судијата на претходна постапка го одби барањето на Специјалното јавно обвинителство за спроведување мерки на претпазливост за Никола Груевски, Тони Трајковски и Миле Јанакиевски, осомничени во процесот „ТНТ“, соопшти Основниот суд Скопје 1 – Скопје.
Груевски по распитот кажа дека СЈО работело по нарачки од Зоран Заев, па ќе имало обиди да го малтретираат повторно да доаѓа на суд, иако, како што кажа, немал никаква вина.
Судот исто така соопшти дека Специјалното јавно обвинителство има право во наредните 24 часа да поднесе жалба на одлуката која ја донесе судијата на претходна постапка.