Здравко Савески и Владимир Куновски судот ги ослободи, односно укинат е притворот за демолирањето на канцеларијата на Ѓорге Иванов.
Авокатот Сашо Дуковски кажа дека ваквата одлука на судот е принципиелна, иако и на двајцата им е одредена мерка на претпазливост-јавување во судот и одземени им се патните исправи.
Адвокатите на членовите на Левица приложија имотен лист од Народната канцеларија со денешен датум, според кој канцеларијата за која се товарат и двајцата не е сопственост на РМ и според тоа не може државата да бара отштета. Судот за тоа ќе одлучи на 6 јули кога е закажано продолжувањето на процесот, односно да набави договор за закуп, за да се утврди дали просторот е приватна или државна сопственост.
Пред да почне судскиот процес пред судот протестираа активисти на Шарената револуција кои бараа слобода за Савески и Куновски.
– Недозволиво е Савески и Куновски да останат уште во притвор, тие веќе 45 дена се во домашен притвор. Трпението е при крај. Поведовме постапка против обвинителката Снежана Бундалевска. Очигледно е дека се прават политички притисоци врз судиите, ги деградираат со тоа што им даваат да водат небитни предмети во случај да не постапат како што бара власта“, изјави Димитар Апасиев.