Судија разрешен поради нестручно и несовесно вршење на функцијата

Од:

Судскиот совет на Република Северна Македонија известува дека на 357-та седница одржана денеска во постапките за утврдување на одговорност на судија/претседател на суд донесе одлука со која е утврдено нестручно и несовесно вршење на судската функција, одлука со која е изречена дисциплинска мерка писмена опомена и одлука со којa е разрешен судија од вршење на судиската функција.

Во соопштението од Судскиот совет не се именува конкретниот судија, а не се соопштуваат ни детали за тоа на кој тој начин постапил несовесно. Во образложението на одлуката се вели дека причината за разрешувањето е „нестручно и несовесно вршење на судиската функција, како и дека истовремено е донесена одлука за времено оддалечување на судијата од вршење на судиската функција до правосилно завршување на постапката.“

Како што е наведено во известувањето објавено на веб-страницата на Судскиот совет, формирани се комисии на известувачи по поднесените барања за поведување постапка за утврдување одговорност на судија/претседател на суд.

На седницата по едно барање за утврдување одговорност на судија/претседател на суд е продолжена постапката, донесена е одлука и за престанок на функцијата на судии поротници на Основен суд Прилеп и за избор на судии поротници на Основен суд Прилеп, а разгледани се и извештаите на комисиите во повторените постапки по повод конечна пресуда на Европскиот суд за човекови права во Стразбур и Советот одлучи комисиите да ги доработат извештаите по дадените насоки.

Би можело да ве интересира

(ВИДЕО) Мицкоски: Да видиме како ќе работи новиот претседател на Судскиот совет

Во судскиот систем нема да има место за судиите кои не работат според законите, вели Камбовски

Александар Камбовски е нов претседател на Судскиот совет

Ефтимов: Кој ќе се огреши пред законот и Уставот ќе одговара

Гаши: Собранието ќе го консултира Уставниот суд за да не згреши ако ги разреши членовите на Судски совет избрани од Парламентот

Катерина Ѓуровски

Тошковски за акцијата во Судскиот совет: Премногу е рана фазата за да навлегуваме во детали