Судењето за „Монструм“ продолжува на 1 јули

Од:

На 1 јули ќе продолжи рочиштето за предметот „Монструм” на Специјалното јавно обвинителство за петкратното убиство кај Смилковското езеро. Судењето беше одложено поради необезбедено присуство на двајцата сведоци кои денеска требаше да дадат исказ. За сведоците Драги Ивановски и Диме Весков побарано е полициско приведување.

За време на судењето судијата Осман Шабани телефонски побара информација од полициските станици Бутел и Гази Баба зошто не се донесени да сведочат при што доби одговор дека Драги Ивановски бил недостапен, куќата која била наведена за неговата адреса била продадена.

За петкратното убиство кај Смилковско Езеро на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири, и им определи мерки на претпазливост.

По укинувањето на пресудите, случајот „Монструм“ го презеде СЈО и предметот беше вратен на повторно судење.

Би можело да ве интересира

Вработените во СЈО чекаат плата за септември

Васко Маглешов

Се читаат транскрипти од разговори и СМС пораки на рочиштето за „Монструм“

Ана Ололовска

Нови рочишта за „Таргет-Тврдина“, „Монструм“ и повторената постапка за „Триста“

Ана Ололовска

„Титаник“ продолжи со изведување докази

Ана Ололовска

Судот го казни вештакот на СЈО со 1500 евра

Васко Маглешов

За „Монструм“ било предупредувано, знаеле советник на претседателот и „Радникот“

Ана Ололовска