Студентскиот пленум на својата Фејсбук страница го поддржа протестот против пресудата за новинарот Томислав Кежаровски, закажан за во вторник во 12:00 часот пред судот.
Според нив, во држава што ги затвора новинарите не може да се очекува слободни и непристрасни медиуми и медиуми што ќе известуваат за студентски марш. Воедно, ги повикаа сите граѓани да заземат страна.
„Неутралноста му помага на угнетувачот, никогаш на угнетуваниот. Молкот го охрабрува мачителот, никогаш мачениот“, се вели во објавата.
