Секторот за внатрешни работи Струмица до Основното јавно обвинителство – Струмица ќе поднесе кривична пријава против Л.К. (36) и Д.К. (44) и двајцата од Струмица, поради постоење основано сомневање дека сториле кривично дело „Непостапување според здравствените прописи за време на епидемија”, казниво по член 206 од Кривичниот законик, соопшти МВР.
„На 5 јануари во домот на првопријавениот во Струмица, организирале роденденска прослава на првопријавениот, на која присуствувале повеќе лица што е спротивно на Одлуката за превентивни препораки, времени мерки, наредени мерки, наменски протоколи, планови и алгоритми за постапување за заштита на здравјето на населението од Ковид-19, предизвикана од вирусот SARS-COV-2, случаите и временскиот период на нивна примена,“ се вели во полициското соопштение.
Второпријавениот Д.К. снимил видеа на кои се гледа присуство на повеќе лица видеосодржини и ги објавил на социјалните мрежи, велат од МВР.
Полицијата ги обезбедила објавените видео содржини од организираната роденденска прослава, ги испрашала вмешаните, а се преземаат и дополнителни мерки за целосно расчистување на случајот, стои во соопштението од МВР.