Општина Струмица издвои три милиони денари за претстојните локални избори,а ги определи и местата за плакати и пропаганден материјал за време на изборите.
– Ова е наша законска обврска и во рамки на законските норми,нашата општина од годинашниот буџет ќе ги издвои потребните средства, рече градоначалникот Зоран Заев.
Во рамки на своите надлежности Советот на општина Струмица утврди и пет локации во градот, каде политичките партии и кандидати за градоначалници рамноправно ќе можат да го презентираат пропагадниот материјал за мартовските локални избори.Во населените места ќе можат да се користат просторите во сопственост на општина Струмица, како и приватни објекти за кои политичките партии треба да добијат согласност од сопственикот.