Столбот на мостот на Црна река преку кој поминува возот ќе се прави околу два месеци

Од:

Поради напукнат бетонски столб на мост на Црна Река на линијата Гевгелија-Велес помеѓу железничките станици Кукуричани-Градско во близина на Стоби железничкиот сообраќај на овој патен правец целосно е во прекин од вторникот попладне од 15:25 часот и патнички и товарен се одвива со префрлање на патниците од воз на автобус.

Како што информираат за МИА од МЖ инфраструктура, по анализата од професорите на Градежниот факултет во Скопје најавено е неделава да почне санацијата на столбот, а чија санација според стручњаците треба да биде околу два месеци.

– Воедно стручњаците предлагаат и да се гради нов железен мост на Црна река погоре од постоечкиот, но за овој проект финансиски средства треба да одобри Владата, потенцираат од МЖ инфраструра.

Од МЖ инфраструктура потенцираат дека сепак мислењето на стручњаците е најважно а според нив најдобро решение за овој дел од пругата преку Црна Река е освен санација на постоечкиот да се изгради и нов железен мост кој ќе биде постабилен и посигурен за превоз на стока и патници.

Во меѓувреме веќе шест дена железничкиот сообраќај на релација Скопје-Гевгелија преку Велес и обратно се одвива со „префрлување“ – со автобуски превоз. Конкретно од Скопје возовите сообраќаат до Градско, додека од Гевгелија сообраќаат до Криволак. Од наведените железнички станици Градско и Криволак патниците се превезуваат со автобуски превоз.

Поради вакво префрлување на патниците од воз со автобус овој воз Гевгелија Велес веќе шести ден наместо во 6,27 минути од железничката станица во Велес за Скопје поаѓа со задоцнување од два часа, во 08:20. часот.

Би можело да ве интересира

Николоски: Вработените во Железници и во Пошта ќе земат плата, полицијата и обвинтелството ќе истражува за нивната презадолженост

Овчар со стадо овци останал заробен среде вода откако надошла Црна Река во Тиквешко

Орце Костов

Кинеските дизел возови поправени после четири месеци: Од утре и трет воз за Битола

Орце Костов

Железници добија нова помош за исплата на плати: Само советниците на директорот чинат 20.000 евра

Орце Костов

Заврши санацијата на Железничкиот мост на Црна Река, од утре повторно товарен железнички сообраќај Скопје-Гевгелија

Оценка 2.91 за патувањето со воз, пругите „чекаат“ приватни оператори и ремонти

А1он