Охриѓани не заслужуваат поплавени улици, колектор кој го загадува езерото, не заслужуваат во 21 век приградски населби кои немаат вода за пиење и пристојни улици. Оттаму потребите на секој граѓанин се од најголема важност, а општините се тука да обезбедат соодветна, здрава и корисна инфраструктура за сите. Тоа денеска го истакна Јован Стојаноски, кандидатот за градоначалник на Охрид од редовите на СДСМ.
Стојаноски посочи дека планирано е во неговиот мандат да се санира и доврши колекторскиот систем за заштита на Охридското Езеро, нова канализациска мрежа, но и санација на старата која ги поплавувува улиците и го загадува езерото.
– За подобрување на функционалноста на колекторот имаме сигурен и отворен пријател во Владата, која веќе ги направи првите чекори за пронаоѓање партнери што ги се зафатиле со тој проект, рече Стојаноски.
Тој уште ја посочи посветноста поеднакво и на урбаните и на приградските средини бидејќи интенција е создавање општина што ќе ги намали разликите меѓу нив, со понуда на решенија во водоснабдувањето, патната инфраструктура, фабрика за третман на отпадот, но и гасификација на градот со што ќе се придонесе за заштеди во буџетот на секое семејство.
