Охрид мора да стане препознатлива и атрактивна туристичка дестинација. За остварување на тоа предвидуваме клучни стратешки промени што ќе го одбележат туристичкиот развој на градот, порача денеска од Охрид кандидатот за градоначалник од редовите на СДСМ Јован Стојаноски.
Тој најави додавање на здравствениот, спортскиот, велнес и конгресниот туризам во туристичката понуда на Охрид, со проширување на целниот пазар за потенцијални туристи.
– Туризмот не значи само привлекување гости. Со неговиот развој помагаме на локалната економија. Работата со здравствениот туризам отвара нови работни места, за медицинските работници кои досега излезот го бараа во странство, истакна тој.
Стојаноски забележа дека реализацијата на тавката замисла ќе се спроведува преку формиање кластери, заеднички настапи на саеми, онлајн-резервации и програми за определени здравствено-алтернативни методи.
– Охрид е традиционално туристички град со неспорна природна убавина, поволна клима, безбедност, долга традиција. Со сите поволности и со овој план ја зголемуваме атрактивноста на градот како туристичка дестинација, го зголемуваме бројот ноќевања, економскиот развој, придонесуваме за нови вработувања, покачен стандард и подола сезона, им порача Стојаноски на граѓаните на Охрид.