Меѓународни извештаи потврдуваат дека нема јасна линија помеѓу криминалот и институциите што треба да се борат со криминалот, што потврдува дека институциите во Македонија шуруваат со криминалот. Оливер Спасовски две недели се крие зад флоскули и не одговара на едноставни прашања коишто го потврдуваат ова шурување рече на прес конференција портпаролот на ВМРО-ДПМНЕ Наум Стоилковски.
-Дали и кога е направен претрес и дали е одземено автоматското оружје во куќа во Ласкарци близу Скопје, кај близок на Сашо Тасевски директор на БЈБ, за што е објавено и видео од пукање? Дали и зошто комисија составена од Оливер Спасовски водена од негов пулен Музафер Каришиќ, издала дозвола за оружје на лице наведено во првите пет за полициска проверка и претрес од листата Безбеден град? Дали и зошто на листата составена од имиња безбедносен ризик во Скопје се лица од криминалните групи Дуќанџик, Грчец и Бундес, а нема членови на криминалните групи Беланоца, Кондово, Барон? Дали и зошто на листата за проверка нема повратници доброволци од војните во Сирија и Ирак праша Стоилковски.
Тој вели дека молкот од Оливер Спасовски е потврда за шурувањето со криминалци.