Стоилковски, Арсовски и Миева бараат да бидат тргнати од предлог листите за членови на управни одбори

Од:

Тројцата портпароли на ВМРО-ДПМНЕ, Марија Митева, Наум Стоилковски и Димче Арсовски во објави на социјалните мрежи побараа нивните имиња да не бидат на листите со предлози за челнови на управните одбори на Јавните претпријатија во Скопје. Ова доаѓа откако СДСМ денеска објави дека тројцата како се на листите кои ги добиле советниците во Град Скопје.

-Ја следам возбуденоста во СДСМ поврзано со моето име и сметам дека тоа повеќе се однесува на стравот дека од внатре на ЈСП ќе го видам и јавно ќе го објавам сиот криминал со компанијата и секако, за планот за БРТ. Иако го имам сиот потребен кредибилитет да бидам дел од УО на ЈСП, верувам во принципи, за разлика од партиските членови на СДСМ. Нема трговија со принципи ниту со претпријатија. Тие принципи не постојат во СДСМ, затоа што на пример истата прашина како за мене (нас), очекувано би ја кренале и за портпаролот на Алтернатива којшто го поставија за директор на МЕПСО во време на најголема енергетска криза. Во име на тие принципи и во име на таа разлика, донесов одлука да се заблагодарам за довербата и честа да бидам предложен за Член на УО на ЈСП и да побарам да бидам исклучен од листата, напиша Стоилковски.

Арсовски, кој се откажа од тоа да биде член на УО на „Водовод и канализација“-Скопје.

-Да, предложен сум за член во УО на ЈП Водовод и сметам и сум сигурен дека имам доволно знаење, дигнитет, кредибилитет, чесност во мене и волја да учествувам во домаќинско менаџирање на оваа институција, но и да се заложам да се работи транспарентно и јавноста да знае што се работи, но и што се работело претходно, обелоденувајќи го целиот криминал. НО, гледајќи ја целата оваа паника, страв и оцрнување на моето име на социјалните мрежи од партиските апаратчици и оние поддржувачи, а дел и креатори на криминал и корупција во институциите, сакам јавно да известам дека барам да бидам отстранет од предлог-листата за член на УО, од едноставна причина, што нема да дозволам стравот и паниката на СДСМ да се насочи кон навреди и оцрнување на моето име и семејство, но и ВМРО-ДПМНЕ, чии кадри работат чесно и искрено откако се на функциите, вели Арсовски.

И Марија Митева е на предложената листа за Управниот одбор на Водовод и Канализација.

Би можело да ве интересира

(ВИДЕО) Митева: Над 900.000 евра тендери за агенцијата Рејтинг на Спасов, сега за стара цена СДС добиваат нови услуги

(ВИДЕО) Митева: Владата на ВМРО-ДПМНЕ ќе се погрижи Македонија да биде земја со стабилен енергетски сектор

(ВИДЕО) Митева: Додека ВМРО-ДПМНЕ гради консензус за развој на Македонија, СДС води сметка за лидерска трка во партијата

(ВИДЕО) Митева: Изгласани се измените во Законот за организација на работата на органите на државната управа

Митева: Осуда за сексистичкиот напад врз професорката Силјановска стигна и од Дорис Пак

Митева: Иднина во која секое дете има пристап до квалитетно образование и секој млад ум се негува, таа иднина е на дофат со Силјановска Давкова