10 дена грозоморието на Онкологија ја тресе државата, а нема никаков резултат.Мафијата си оди на работа веќе 10 дена, КАТО системот се уште стои исклучен, 10 дена доктори, сестри, вмешани, може да повторат делото вели портпаролот на ВМРО-ДПМНЕ Наум Стоилковски.
– 10 дена се кријат имињата, се остава да се влијае врз случајот, се остава да се забошоти случајот, да се избрише во времето, да се остави да се влијае врз докази и да се заплашат сведоци. 10 дена нема ништо, сакаат случајот Онкологија да заврши како што заврши случајот со модуларната или со Беса транс, без вистинско решение. 10 дена само празни флоскули за правда затоа што одговорноста лежи кај партиските кадри избрани да спроведуваат партиски насоки. Власта, СДС, ДУИ, нивните сателити, имаат јасна одговорност за исклучувањето на КАТО системот, одговорност за мафијашка структура на Онкологија за кражба на лекови, одговорност за учество во трговија со лекови на црниот пазар, одговорност за кратење на лекови на пациенти, одговорност за лажни списоци на пациенти, одговорност на директор кој што извадил лажна дијагноза за член од семејство, одговорност за враќање на работа на лице фатено во кражба на цитостатици на Онкологија, и се што се не плус, вели Стоилковски.