Блаже Станков, кандидат за градоначалник на ВМРО-ДПМНЕ и коалицијата за Општина Зрновци вети топол и здрав оброк за секое дете од прво до петто одделение, а како што напомена рече дека размислуваат проектот да го прошират и за децата од шесто до деветто одделение.
– Со цел да обезбедиме полесен и побрз пристап до земјоделските површини одлучивме да продолжиме со изградба асфалтирање на полски пат. Во таа насока подготвена е техничка документација за изградба на полски пат во должина од 1250 метри. Изградба на игралиште во село Зрновци со цел спортување и рекреирање на младите генерации. Изградба на фитнес зона, во близина на еко паркот и ќе биде опремена со најмодерни справи за вежбање 24 час во текот на денот. Изградба на велосипедска патека по течение на реката Зрновка, изградба 2 моста за моторни возила на Видовишка река и изградба на еден мост за моторни возила на реката Зрновка, рече Станков.