ССНМ: Заев да внимава што зборува за новинарите

Од:

Самостојниот синдикат на новинари и медиумски работници остро ја осудува изјавата на премиерот Зоран Заев во која тој покажа голема доза на нетрпеливост кон неименуван новинар нарекувајќи го „суетен“.

ССНМ смета дека кога вакви, во најмала рака непримерни изјави насочени кон новинарите и медиумските работници, доаѓаат од највисоките државни функционери, може да се толкуваат, перцепираат и прифатат од дел од јавноста како отворање фронт кон новинарите, загрозување на нивната безбедност и ограничување на слободата на печатот и затоа бара од премиерот Заев да се извини.

Од синдикатот во соопштението нагласуваат дека на почетокот на мандатот Владата на Заев ветуваше борба против нападите врз новинарите и се залагаше за слобода на изразувањето, но вчерашната изјава на премиерот Заев е во целосна спротивност на тие заложби.

„Иако премиерот Заев не прецизираше за кој „суетен новинар“ се работи, јавноста препозна дека изјавата е насочена кон уредникот Бранко Героски, кој и самиот соопшти дека по изјавата бил цел на зголемен број на напади и дискредитации на социјалните мрежи. Тоа докажува дека политичарите, а особено оние на највисоки функции мораат да бидат внимателни при своите изјави бидејќи една несоодветна изјава може да предизвика штети од несогледливи размери како кон поединци, така и врз слободата на изразување.“, се наведува во соопштението на самостојниот синдикат на новинари и медиумски работници.

Би можело да ве интересира

(ВИДЕО) Заев: Потребен е Закон за јавно обвинителство, обвинителите да се бираат преку системски решенија, не преку политичари

Ана Ололовска

(ВИДЕО) Заев на средба со претседателот на ЕС, Мишел: Силно сме мотивирани да продолжи европскиот курс на државата

Ана Ололовска

(ВИДЕО) Заев од Радовиш: Веруваме во младите, градиме квалитетни младински политики и вложуваме во човечкиот капитал

Ана Ололовска

Заев за Индексот за корупција на ТИ: Треба уште многу да работиме и како држава и како општество

Ана Ололовска

Заев: Добро е да имаме потврда од Мишел дека паралелно ќе се одлучува и за преговори и за новата методологија

Ана Ололовска

Заев: Опозицијата нека се надмине себеси, законот за јавно обвинителство го бараат и претставници на ЕУ

Кристијан Ландов