ССНМ: Вербалното насилство почнува да метастазира

Од:

ССНМ изразува полна поддршка и солидарност со новинарот Борјан Јовановски кој беше нападнат од извршител на политиката на безумие, ментална и морална пореметеност која за жал се засилува во Македонија.

Вербалното насилство во континуитет промовирано од власта почнува да метастазира во состојба во која новинарите и медиумските работници веќе не се сигурни ниту на работното место ниту во својата приватност.

ССНМ нема веќе илузии дека институциите ќе реагираат откако и по десетици напади и закани ниту еден извршител не е повикан на одговорност, а обвиненијата за поттикнувачите од страна на обвнителството се толкуваат како „слобода на говор“. Сепак нема да пропуштиме уште еднаш да ја посочиме директната одговорност на Министерството за внатрешни работи и Обвинителството кои навремено не рагираат и не ги казнуваат ниту извршителите, а уште помалку инспираторите, иако во четири дена сме сведоци на најмалку три напади на новинари, додека на социјалните мрежи се поттикнува правењето списоци за отстрел.

Она што очекуваме и во што сме сигурни е дека времето на беззумие ќе заврши и тогаш некој за ова мора и ќе одговара. Истовремено ССНМ ја уверува јавноста дека овој и слични испади на примитивизам и вулгарност од заблудени интелектуално инфериорни ликови не само што нема да ја исплашат новинарската фела, туку напротив, ќе ја направат посилна и поединствена, соопштуваат од ССНМ.

Би можело да ве интересира

Министерството за здравство истражува зошто новинарите не ги пуштаа да снимаат околу „8 Септември“

Жарко Настоски

Доделување на Наградите на ЕУ за истражувачко новинарство

Ана Ололовска

Скратување на роковите за добивање информација од јавен карактер и зголемување на транспаретноста, бараат новинарите

Ана Ололовска

Повик за номинации за наградата „Медиум промотор на новинарството како јавно добро – Роберто Беличанец 2020“

Ана Ололовска

Маричиќ – претставници на ЗНМ и ССНМ: Синдикатите ќе бидат вклучени во измените на Изборен, Кривичен и Законот за граѓанска одговорност за навреда и клевета

Ана Ололовска

Министерката Шахпаска на средба со претставници на ССНМ

Ана Ололовска