Средствата за новогодишно украсување во Куманово, пренаменети за набавка на опрема за ученици за следење онлајн настава

Од:

Новогодишно украсување во Куманово оваа година, нема да има потврди денеска директорот на ЈП „Куманово Паркинг“ Фадиљ Шабани. Претходно и градоначалникот, Максим Димитриевски на една од прес конференциите и на седница на советот при носење на ребалансот на буџетот, рече дека овие средства ќе се пренаменат со општинскиот буџет за набавка на опрема за следење на онлајн настава и за набавка на опрема за изведување на онлајн настава.

– За оваа година планиравме да одвоиме два милиони денари, меѓутоа во договор со градоначалникот и согласно потребите на дел од учениците кои се од ранливи категории семејства, средствата преку ребаланс на буџетот се пренаменија за оваа цел, изјави Шабани, директор на јавното претпријатие „Куманово Паркинг“ преку кое изминативе години се спроведуваше набавката за избор на компании за новогодишно украсување.

Општина Куманово, појаснија денеска надлежните од секторот за финансии од општината одвојува вкупно 3, 5 милиони денари за набавка на опрема на учениците за следење на онлајн настава, набавка на паметни табли, потребни за училиштата за изведување на наставата во услови на пандемија.

Средствата се обезбедени преку пренамена од различни ставки, меѓу нив од настани предвидени за манифестации, како што се огномет, концерти, но и средства кои претходно општината ги одвојуваше за „Порака Наша“, здружение кое не работеше од март, па сè до ноември, годинава. Дел од средствата се пренаменети и од ставка за вработувања, кои не се реализирале поради ковид кризата.

Би можело да ве интересира

За идната година планирана реконструкција на кумановскиот театар

Жарко Настоски

Стипендии за 28 ученици со попреченост во Куманово, Липково и Старо Нагоричане

Жарко Настоски

Вакцинацијата против сезонски грип од понеделник во Куманово на нова локација

Ана Ололовска

Кумановските наставници онлјан наставата да ја изведуваат од дома, препорача Кризниот штаб

Катерина Павлова-Николовска

Кризниот штаб Куманово бара двојно да се зголемат термините за тестирање за коронавирус

Познати добитниците на Ноемвриската награда во Куманово

Ана Ололовска