Претседателот на СДСМ, Зоран Заев оствари со членот на Бордот на директори на Меѓународниот републикански институт (ИРИ), Олин Ветингтон.
На средбата се разговараше за повеќе клучни теми на домашен и меѓународен план, процесот на интеграции во ЕУ и НАТО, транспарентноста на институциите и реформскиот процес.
Заев му се заблагодари на поддршката што ИРИ, но и САД континуирано ја даваат на Република Северна Македонија во градењето на силни демократски капацитети.
„Од независноста па до сега, САД како стратешки партнер низ различни инструменти и начини дава силна поддршка во демократизацијата и развојот на македонското општество. Со својот ангажман ИРИ позитивно влијае на подигнувањето и зајакнувањето на демократските капацитети во Северна Македонија. Во изминатите две и пол години, нашето општество, нашите институции се менуваат на подобро. За тоа имаме и меѓународно признание во Извештајот на Европската комисија која нотира напредок во реформите во судството, безбедносниот систем и јавната администрација“, порача претседателот Заев.
Осврнувајќи се на меѓународните односи, Заев потенцираше дека државата сега е цврсто поставена на интеграцискиот пат, повеќе нема отворени прашања со ниту еден од соседите, членството во НАТО е извесно, а очекуван е и брз почеток на преговорите со ЕУ.
Во однос на предвремените избори, Заев порача дека на нив граѓаните ќе потврдат дека се за напредокот и интеграциите да продолжат уште позасилено и ќе застанат зад концептот на соработка, развој и интеграција што го нуди СДСМ.
Членот на Бордот на директори на ИРИ, Ветингтон на претседателот Заев му честиташе за досега постигнатите успеси, додавајќи дека ИРИ останува посветен пријател, поддржувач и партнер на Македонија особено во делот на доброто владеење, унапредување на транспарентноста и развој на институциите.