Заменикот помошник државен секретар на САД, Филип Рикер од денеска до 25 август ќе престојува во Македонија, на покана од претседателот Иванов.
Тој ќе се обрати на отворањето на конференцијата на школата за млади лидери , која се одржува под покровителствот на претседателот Иванов, што ќе се одржи во Охрид. Како што соопшти Американската амбасада, за време на неговата посета Рикер ќе оствари и средби со претставници на владата, бизнисмени и лидери на заедниците.
Во Охрид, денеска ќе се оствари и средба Рикер-Иванов.
Заменикот на Хилари Клинтон ќе посети и други земји во регионот. Инаку, ова е втора посета на Рикер на Македонија оваа година. Актуелните теми, како спорот за името, се очекува да бидат во фокусот на разговорите за време на неговите средби со државниот врв.