Средба на министерот Спасовски со амбасадорот на Сојузна Република Германија

Од:

Министерот за внатрешни работи Оливер Спасовски денеска одржа работна средба со новоименуваниот амбасадор на Сојузна Република Германија, Томас Герберих.

Министерот Спасовски му посака успешна работа на амбасадорот Герберих и изрази надеж дека ќе продолжи успешната соработка меѓу двете држави, а Република Македонија наскоро ќе направи прогрес во процесот за интеграција во Европската унија и НАТО. Министерот Спасовски ја потенцира решеноста за спроведување на реформи во македонската полиција, за таа да се департизира и декриминализира односно да биде вистински сервис на граѓаните и го запозна амбасадорот Гербрих за преземените мерки во првите сто дена од мандатот. Министерот Спасовски ја потенцира и добрата соработка со германската полиција, пред се во борбата со тероризмот и насилниот радикализам.

Амбасадорот Гербрих му честита на министерот Спасовски за сработеното во овој релативно краток временски период и му посака успех во натамошното спроведување на реформите. Тој потенцира дека Сојузна Република Германија е пријателска земја и партнер кој и во иднина ќе и дава поддршка на Република Македонија, а понуди и конкретна помош за Министерството за внатрешни работи.

Би можело да ве интересира

Германија и купува ракетни системи „Патриот“ на Украина

Горан Наумовски

Онлајн закажување термин за сликање за лични документи

МВР: Апел до граѓаните да не отвораат линкови од СМС пораки

Напад со нож во Германија, неколку лица се повредени

Историски одбранбен пакт меѓу Велика Британија и Германија е на повидок, ги заобиколува САД

„Русија води војна против Германија“ – Мерц ѝ порача на нацијата дека мора да се одбрани од агресијата на Москва

А1он