Претседателот на ВМРО-ДПМНЕ, Никола Груевски денес оствари средба со амбасадорот на Кралството Норвешка за Република Македонија, Арне Санес Бјорнстад.
На средбата соговорниците разговарале за актуелната состојба во државата и стратешките интереси на Република Македонија.
Груевски се заблагодарил на амбасадорот за поддршката која Норвешка ѝ ја дава на Република Македонија во остварувањето на стратешкиот интерес, членство во НАТО алијансата.
На средбата Груевски го запознал својот соговорник со актуелната политичка состојба и со одвивањето на предизборниот процес. Груевски ги нотирал прекршувањата и нарушувањата на изборниот процес кој фрла темна дамка на предизборието и демократскиот амбиент кој треба да е присутен.
