Во Собранието на Република Македонија денеска пратеникот од редовите на ДУИ Артан Груби се сретна со Хајди Гуерер, директор за Југоисточна Европа во Министерството за надворешни работи на Австрија и со австрискиот Амбасадор Мајкл Бауер.
На средбата, соопшти ДУИ, се разговарало околу политичката криза во Македонија, безбедносната ситуација во земјата, Виенската конференција и Евроатлантската интеграција на Македонија.
Груби ги запознал гостите за ставовите на претседателот на ДУИ Али Ахмети во политичкиот дијалог помеѓу лидерите на четирите најголеми партии во земјата и ги претстави конкретните напори на партијата за побрз излез од длабоката политичка криза што ја зафати земјата.
– ДУИ се обидува да биде конструктивен дел на што побрзо решавање на политичката криза и истовремено да не придонесе за продлабочување на кризата, стои меѓу другото во соопштението од оваа партија.
