Средба на директорот на ФЗОМ со претседателот на Здружението на болни од ХМЛ

Од:

Директорот на Фондот за здравствено осигурување на Македонија, Маја Парнарџиева Змејкова заедно со нејзиниот тим одржа работна средба со претседателот на Здружението за помош на заболени од хронична миелоична леукемија, Пепо Леви.

На средбата, соопшти ФЗОМ, се дискутираше за статусот на пациентите со хронична миелоична леукемија во Македонија, за можноста за нивно лекување како и за медикаментозната терапија која им е достапна.

Претседателот на Здружението ги потенцираше модалитетите во терапијата во европските земји и укажа на предизвиците со кои истите се соочуваат во Македонија, но и во соседните земји како на пример во Бугарија и Србија. Исто така, беа посочени новитетите во лекувањето на хронична миелоична леукемија.

Директната соработка на Фондот со здруженијата на граѓани придонесува да се стекне еден непосреден и реален увид во тоа како најпрагматично и најефикасно би можело да се унапреди квалитетот на здравствени услуги согласно модерните светски трендови во нашите здравствени установи, стои во соопштението од ФЗОМ.

Би можело да ве интересира

Андоновски: Неделава ќе ја почнеме иницијативата за законските измени на ФЗОР случајот со Леонид не е единствен

Случајот со Леонид ги откри сите слабости на Фондот: Се кратат пари за лекување и за операции на срце во приватните клиники

Орце Костов

Се прекинува штрајкот во ФЗОМ – платите исти до мај

Да не се лаже дека Фондот за здравство нема пари, тоа е институција со најголем буџет порачуваат синдикалците

Катерина Ѓуровски

Меџити: ФЗОМ побара 2,9 милијарди денари за нови лекови на позитивна листа за следната година

За Ковачевски, директорката на ФЗО била добар избор затоа што решила хакерски напад за само 14 дена

Орце Костов