Претседателот на ДУИ Али Ахмети денеска се сретна со амбасадорот на Црна Гора во Македонија Предраг Митровиќ.
На средбата во седиштето на ДУИ во Тетово, Ахмети и амбасадорот Митровиќ разговараа за актуелната политичка ситуација во Македонија, предвремените избори и соработката меѓу двете земји.
Како што соопшти ДУИ, Ахмети зборувал за спроведувањето на договорот од Пржино и го поздравил усвојувањето на методологијата за чистење на Избирачкиот список со што, како што рекол, е дадена целосна можност на Државната изборна комисија да спроведе веродостојни, фер и демократски избори.
– Институциите на државата треба да преземат одговорност и да ги спроведат нивните законските обврски за да се овозможат веродостојни избори, додека политичките партии и медиумите треба да го надминат јазикот на омразата и клевети кон придонесот за една коректна изборна атмосфера, посочил Ахмети.
Во врска со разговорите за медиумите, го запознал амбасадорот околку ставовите на ДУИ за предлогот на посредниците, како и амандманите кои ги достави партијата во работните групи. Во работните групи, рекол Ахмети, ДУИ ги застапува ставовите на медиумите на албански јазик по воспоставувањето вистински дијалог со нивните претставници и прифаќање на нивните барања.
Ахмети воедно изразил поддршка за транспарентна и непристрасна работа на Специјалниот обвинител, но истовремено и загриженост за, како што нагласил, протокот на материјалите во рацете на група криминалци и фалсификатори. Овој случај, додадл лидерот на ДУИ, треба целосно да се реши со одговорност.