Денеска, претседателот на Граѓанската опција за Македонија, Стевчо Јакимовски, оствари едночасовна средба со амбасадорот на Соединетите Американски Држави во Македонија, господин Пол Волерс.
На работната средба, претседателот на ГРОМ и амбасадорот Волерс разменија мислење околу актуелните политички збиднувања во земјата.
Во оваа пригода, Волерс се запозна со размислувањата на ГРОМ за актуелната политичка ситуација, за нејзиното позиционирање во Собранието на РМ, како и за видувањата што ги има врвното раководство во партијата за последниот изборен циклус, при парламентарните избори.