Претседателот на Република Македонија Ѓорге Иванов оствари средба со црногорскиот колега Филип Вујановиќ. Двајцата претседатели вчера во Котор разменија мислења и информации за можностите за продлабочување на билатералната и регионалната соработка, како и за процесот на евроатланските интеграции.
Како што соопшти Кабинетот на Иванов, во текот на разговорите било изразено задоволство од традиционално блиските и одлични политички односи меѓу двете земји.
Иванов и Вујановиќ разменија мислења за актуелните случувања во регионот и го потврдија интересот за продолжување на тесната соработка во рамки на меѓународните институции.
Македонскиот претседател Иванов престојува во Црна Горана на покана на претседателот Вујановиќ.