Средба Димитров – Галовеј: Лондон останува посветен на поддршка на реформска агенда на земјава

Од:

Заменик претседателот на Владата задолжен за европски прашања Никола Димитров денеска се сретна со амбасадорката на Обединетото Кралство во земјава, Рејчел Галовеј, која истакна дека Велика Британија останува посветена на поддршката на Северна Македонија на нејзината реформска агенда во клучните области.

– Спроведувањето на реформите во насока на забрзување на процесот на ЕУ интеграцијата е во тесна корелација и со приоритетите на Обединетото Кралство за Северна Македонија во светло на развојот на економијата, доброто владеење и владеење на правото, преку заеднички проекти, наглчси Димитров.

Како што соопшти Секторот за европски прашања, во тој контекст соговорниците се согласија дека во наредниот период ќе се пристапи кон зајакната координација на донаторската заедница и другите чинители во Северна Македонија.

Вицепремиерот Димитров изрази благодарност за досегашната помош и поддршка која Обединетото Кралство ја има обезбедено за нашата земја, особено за помошта и поддршката во справувањето со кризата предизвикана од КОВИД 19.

За време на разговорот Димитров ја потврди и посветеноста во исполнувањето на нашите обврски кои произлегуваат од членството во НАТО, се додава во соопштението.

Би можело да ве интересира

Koшта: ЕУ мора да биде вклучена во преговорите со Русија за завршување на војната во Украина

Ројтерс: ЕУ ќе му каже на Израел дека го поддржува враќањето на Палестинците во Појасот Газа

Трамп ги вклучи сите аларми во Европа: Макрон повика на итен состанок на лидерите на ЕУ во Париз

ЕУ: Попуштањето на Русија и пред преговори не е добра тактика

Калас: Кина ќе се смее на трговската војна меѓу САД и ЕУ

(ВИДЕО) Трговска војна со Канада и Мексико, Трамп потврди царини и за ЕУ, ја обвини Јужна Африка за расизам

Катерина Ѓуровски