Средба Ахмети-ФДМ: Разделени нема далеку да стигнеме

Од:

Претставниците на Форумот за демократска Македонија, Благојче Петрески, Маја Панова и Филип Цветановски, во Скопје се сретнаа со претседателот на Демократската унија за интеграција, Али Ахмети.

„Навистина ме изненадивте, за прв пат гледам претставници од дијаспората кои сакаат заеднички да функционираат. Разделени нема далеку да стигнеме“, рече Ахмети на првата средба со претставниците на Форумот, граѓанска и мултиетничка организација на иселениците од Македонија.

Ахмети додаде дека „оние аналитичари кои мислат дека не ме интересира проблемот со името, се лажат. И јас имам исто како и секој од вас една татковина, а тоа е Македонија. Сакам да имаме силна држава, да бидеме во НАТО и ЕУ“.

На средбата се разговараше и за можните активности во иднина, при што претседателот на ДУИ, Али Ахмети, вети поддршка за визиите на ФДМ. Како поранешен припадник на дијаспората Ахмети рече дека целосно ја поддржува програмата на ФДМ и ги поздрави напорите на Форумот за поинаква, инклузивна, ненационалистичка дијаспора.

По средбата со претседателот на ДУИ, претставниците на Форумот за демократска Македонија се сретнаа и со најстариот пратеник во Македонското собрание од редовите на Демократската унија за интеграција, Бранко Манојловски и пратеникот на владејачката партија СДСМ, Чедомир Саздовски, кои исто така ги поздравија активностите на ФДМ.

Залагањата на пратеникот Манојловски за правата на ЛГБТ заедницата беа поздравени од ФДМ. Обајцата беа согласни дека ФДМ може да придонесе за поинакви размислувања и идеи, а иселениците ќе можат директно да учествуваат со своите искуства во подобрување на многу сфери во општеството, како подобрување на соживотот во Македонија.

Би можело да ве интересира

За да оди на протест на поранешната ОВК во Тирана, Ахмети ги откажа настаните на последниот ден од кампањата

Мицкоски до ДУИ: Јас не сум албанофоб, туку криминалофоб кој ги презира криминалците кои во политиката влегоа голтари, а излегоа милионери

Предраг Петровиќ

ВМРО-ДПМНЕ: Албанците не се ДУИ, Мицкоски и ВМРО-ДПМНЕ ниту мразат некого, ниту пак се албанофоби, Османи и ДУИ се тие кои ниту сакаат ниту почитуваат некого

ДУИ: Мицкоски јасно ја откри својата политичка опсесија за контрола врз албанската сцена во Македонија

Горан Наумовски

Меџити: Ахмети не зборува ништо за „српскиот свет“, бидејќи лобисти се неговиот син и неговото семејство

Изјавите на Ахмети не заслужуваат да се коментираат, вели Мицкоски