Царинските службеници на Аеродромот „Александар Велики“ во Скопје спречија обид за нелегално внесување 54 илјади швајцарски франци, од страна на македонски државјанин од село Боговиње, Тетовско.
Како што соопшти Царинската управа, патникот пристигнал вчера со лет од Швајцарија, поминал на зелен канал, кој бил селектиран за детална контрола, при што биле пронајдени 66 илјади швајцарски франци. Според закон дозволено е да се внесат 10 илјади евра.
Против лицето е поведена прекршочна постапка, а девизите се привремено одземени.