Вчера вечер, во 21.00 часот на автопатот Гевгелија –Скопје, на наплатна станица Смоквица, полициски службеници од Полициската станица за граничен премин „Богородица“ ги лишиле од слобода 20-годишниот Д.С. и 36-годишниот М.И., двајцата од Велес, извести МВР.
– При преглед во товарно возило „цитроен“ со прилепски регистарски ознаки, кое го управувал Д.С., а сопатник бил М.И., биле пронајдени 26 лица илегални мигранти од Сирија. Тие биле приведени во полициска станица, а мигрантите биле спроведени во Транзитен центар „Винојуг“ во Гевгелија, соопшти МВР.
По целосно документирање на случајот ќе биде поднесена соодветна пријава.