Министерот за труд и социјална политика Спиро Ристовски денеска пред Специјалната болница за белодробни заболувања во Јасеново ќе присуствува на свеченото поставување спомен плоча во чест на ранетите борци Македонци и Грци припадници на Демократската армија на Грција (ДАГ), учесници во Граѓанската војна во Грција 1946-1949 година.
Настанот е во организација на Здружението за заштита на човековите права на прогонетите од Егејскиот дел на Македонија ЅВЕЗДА Велес и Сојузот на Македонците од Егејот-МАКЕДОН.
Пред спомен-обележјето во Јасеново цвеќе ќе положат делегации на ЅВЕЗДА, МАКЕДОН и Светскиот македонски конгрес.