Специјалната болница за ортопедија и трауматологија „Св. Еразмо“ од Охрид е првата болница на Балканот која започна со поставување лумбален кејџ. Имено, во рамки на својот развој, во „Св. Еразмо“ беа изведени првите операции на Балканот за поставување на апликација во лумбалниот дел односно лумбален кејџ.
Тоа е најнова метода што во Македонија, на Балканот и во Југоисточна Европа се спроведува прв пат во нашата болница. Се аплицираше на две пациентки, едната од Струга, а другата од Битола. И двете се добри и постоперативно во стабилна состојба – изјави директорот на болницата, д-р Митко Тилевски.
Стручниот тим на болницата скоро една година се подготвувал за овој потфат затоа што се прв пат се применувал во Македонија.
Станува збор за пациенти со тешки болести на лумбалниот дискус и постоење една сегментална нестабилност. Оваа метода во моментов ја применува само професорот Форнариј Маурции од миланската болница. Ние сме втора болница во Европа што аплицира вакви кејџови. Тоа се кејџови кои што стојат сами. Порано имаше кејџови кои што се аплицираа и додатно се продолжуваше операцијата сегментите да се фиксираат со штрафови и плочки односно со шипки, но оваа метода всушност го упростува тој режим на операција. Ја скратува операцијата, ја прави побезбедна и пациентите после тоа, многу порано се вертикализираат – додаде неврохиругот, д-р Митре Милошески.
Анестезиологот д-р Александар Василески нагласи дека овие операции се прават со општа анестезија, а пациентот треба да биде кардио – циркулаторно стабилен.
Овие операции се работат во општа анестезија со тоа што пациентот треба да биде свртен на стомак. Пациентот треба да биде кардио-циркулаторно стабилен и претходно подготвен. Се работи во хипотензивна анестезија, а со тоа се дава предност оперативното поле да биде чисто и потранспарентно за самиот оператор – нагласи д-р Василески.
За оваа година планирани се околу 30-тина операции за кои ќе се користи овој метод. Директорот Тилевски додаде дека соФондотзаздравственоосигурувањена РМ и соминистерствотозаздравство е планиранодасезголемиобемотнаоперациитедоколку е потребно.
Ф.Ј.