„За само две и пол години успеавме да отпочнемe со градба на два круцијални објекти за Министерството за внатрешни работи на Република Северна Македонија и тоа :-ИКТ Центарот за складирање и заштита на податоците, за опоравување од катастрофи и обезбедување континуитет во работата во Прилеп и нов објект наменет за Одделот за криминалистичко технички испитувања и вешташења со современа форензичка лабораторија на МВР во Скопје“, напиша министерот за внатрешни работи, Оливер Спасовски на својот фејсбук профил.
Министерот изрази голема благодарност за безрезервната поддршка на нашите пријатели од ЕУ и од Европската Комисија, без чија што помош, како што вели, не ќе можеле толку брзо и темелно да ги спроведат овие големи и значајни проекти.