Министерството за внатрешни работи не добило дојави за бомби во училиштата откако има протоколи за справување со хибридни закани, рече министерот за внатрешни работи Оливер Спасовски.
– Донесовме упатства и протоколи, како единствена држава во регионот. Знаете дека ние работевме со протоколи, коишто беа од деведесеттите години или од поранешна Југославија. Денеска времето е поинакво, денеска технолошкиот напредок е поинаков и вие не можете да преземете
мерки во 2023 година со методи од 1990 година.
Затоа и тие протоколи ги сменивме, вели Спасовски и додаде дека Македонија е единствената земја во регионот која презела низа мерки и упатства за справување со хибридни закани.