Спасовски: Ќе обезбедиме помош за семејството кое во пожар ги изгуби двете малолетни деца

Од:

Претседателот на Владата на Република Северна Македонија, Оливер Спасовски заедно со претставници на институциите, го посети местото каде што се случи пожар во семејните куќи во Шуто Оризари, во кој загинаа две малолетни деца.

„Изразувам длабоко сочувство до семејството, градоначалникот и граѓаните на Шуто Оризари за големата трагедија што се случи. Заедно со претставници на МВР  и Министерството за труд и социјална политика излеговме веднаш на терен. Ќе обезбедиме сé што е потребно како првична помош, итно сместување и финансиска помош“, рече премиерот Спасовски за време на посетата на местото на несреќата.

Премиерот Спасовски најави дека со градоначалникот на Општина Шуто Оризари, Курто Дудуш ќе разговараат за определување финансиски средства заедно со локалната самоуправа за да се помогне подобрување на инфраструктурата во општината.

„Ваквите настани треба да ни бидат поука за во иднина, да направиме сé што е потребно за да не ни се случуваат вакви трагични настани“, додаде премиерот Спасовски, кој изрази сочувство за загинатите деца во пожарот во Шуто Оризари.

Би можело да ве интересира

На депонија „Вардариште“ живеат над 200 луѓе, потпалувањата се дело на мал дел од тие што живеат таму, вели Тошковски

Ангелов: Пожарот во Трубарево е целосно изгаснат, целата опожарена површна е затрупана со песок и земја

Влен: Другар на Бујар Османи ја дал дозволата за складиштето за електронски отпад во Трубарево

48 часовен притвор за четворицата осомничени за пожарот во Трубарево

Горан Наумовски

Пратеникот на Левица Сашко Јанчев е приведен, учествувал во сообраќајка, повредени се двајца малолетници

Катерина Ѓуровски

ВИДЕО: Уште чади кај запалениот објект во Трубарево, повторно горело во Дрисла

Катерина Ѓуровски