Спасовски: Има индиции дека вработени во полицијата имаат поголем имот од бизнисмените

Од:

Министерот за внатрешни работи Оливер Спасовски денеска од собраниската говорница порача дека мора да се спроведе ветинг систем во полицијата. Се планира донесување на посебен закон за ветинг и формирање на комисии на три нивоа, а ќе се анализираат три аспекти на вработените – професионалното досие, имотната состојба и интегритетот.

– Постојат сериозни индиции дека некои од полицајците, командирите и началниците имаат зголемен имот повеќекратно што го немаат ниту бизнисмени кои по 20 години имаат бизниси во Македонија. Тука го гледам интересот зошто е многу атрактивно да бидете дел од македонската полиција, па на оглас за 30 вработени се јавуваат 3.000. Веројатно мотивацијата се овие луѓе кои ги гледаат во секојдневнието, истакна Спасовски, одговарајќи на пратеничко прашање.

Додаде дека клучните причини поради кои мора да се спроведе овој процес се откривањето на повеќе од 50-тина случаи со фалсификувани дипломи на полициски службеници од кои некои работеле и на раководни функции, како и поради бројот на сторители на кривични дела на вработени во МВР.

– Процесот на ветинг заслужува сериозно внимание и посветено работиме на него. Веќе започнавме да правиме целосна анализа на состојбите заедно со ОБСЕ и ги анализираме европските практики. Сакаме да ги согледаме сите можни аспекти при спроведувањето на овој систем. Целта е овој процес да биде инклузивен и транспарентен, рече Спасовски.

Во однос на комисиите кои ќе бидат вклучени во овој процес, Спасовски појасни дека е планирано да има една надворешна комисија надвор од рамките на МВР, една централна, внатрешна во МВР, како и комисија во рамки на секторите за внатрешни работи.

Би можело да ве интересира

Битолчанец платил 22.500 евра за да му се вработи синот во МВР

Пронајдени двајца починати мажи во Тетовско

(ВИДЕО) Шукова: Нов скандал во МВР, милионски тендер за возачки испити заврши кај советник на ВМРО-ДПМНЕ

Горан Наумовски

Полицијата спаси четири лица од пловен објект во Охридско Езеро откако им се скрши дел од едрилицата

Горан Наумовски

(ВИДЕО) Франција: Полицијата со водени топови растера активисти кои блокираа складиште со нафта

Полицијата најави пријавa за вчерашниот инцидент на седницата на Советот на Кочани

Горан Наумовски